SUPPLINBURGIUS Comitatus Saxoniae vetus

SUPPLINBURGIUS Comitatus Saxoniae vetus

olim sub proprio Comite. In qua Familia Lotharius Comes Supplinburgius, Comitum Quervordiensium prosapiâ oriundus, et, qui iam Rixae uxoris iure, (Henricô Comite Northemiô etGertrude ex Misniae Marchionum Familia prognatae) non spernendam Saxoniae partem adeptus erat, volente Henricô V. Imperatore, Magno Saxoniae Duci, ex Bollingianis ultimo, successit A. C. 1106. caesô memorabili praeliô Hoierô Mansfeldiae Comite, cui Caesar, mox benevolentiae paenitens, provinciam destinavit. Post Henricum dein idem Imperator creatus, generum Henricum Superbum sibi in Ducatu suffecit: quem postmodum Albertus Ursus Anhaltino-Lavenburgicae gentis conditor excepit. Pfannerus de praecipuis Germ. Principp. Gentibus c. 2.